Ag obair le MetroLink
Ginfidh MetroLink deiseanna conarthacha d’earnálacha na foirgníochta agus an bhonneagair. Seachadfar an clár trí shraith pacáistí oibre ar mhórscála, le tacaíocht ó líonra fairsing soláthróirí, soláthraithe seirbhíse, sainchonraitheoirí agus Fiontair Bheaga agus Mheánmhéide (FBManna).
Leis an gcur chuige sin, réiteofar an bealach do chuideachtaí de gach méid agus de gach cumas rannchuidiú trí mhórchonraitheoirí, trí chomhpháirtíochtaí nó trí fhochonraitheoirí ar fud an tslabhra soláthair níos leithne.
Is é ár gcuspóir a chinntiú go gcothóidh na buntáistí a bhaineann le MetroLink deiseanna rannpháirtíochta ag gach leibhéal, ag tacú le fiontair áitiúla, nuálaíocht agus fás eacnamaíoch fadtéarmach.
Rachaimid i dteagmháil le soláthraithe ar fud na hÉireann, na Ríochta Aontaithe, na hEorpa agus ar fud an domhain chun a chinntiú go gcuirfear an caighdeán is airde de cháilíocht agus de shaineolas ar fáil chun MetroLink a sholáthar.
Le MetroLink, tiocfaidh deis chruthanta chun acmhainn agus cumas na hearnála foirgníochta in Éirinn a fhorbairt agus chun an infheistíocht isteach a spreagadh, rud a thacóidh le hoidhreacht de tháirgiúlacht agus scileanna feabhsaithe ar fud na hÉireann.
Chun na críche sin, beidh ‘Tairseach Deiseanna’ á cruthú againn chun trédhearcacht a thabhairt isteach sa phróiseas soláthair. Éileoimid ar ár bpríomhchonraitheoirí tairiscintí a phostáil, rud a chuirfidh deiseanna ar fáil do gach gnólacht atá cláraithe linn.
Foilseoimid eolas breise faoin gcaoi ar féidir clárú chomh luath is a bheidh an tairseach ag feidhmiú i dtús 2026. Féach ar an leathanach MetroLink agus do ghnó atá againn.
Le tuilleadh eolais a fháil faoi na Deiseanna do Sholáthróirí MetroLink ag MetroLink agus le heolas a fháil faoinár dTairseach úr Ríomhfhoinsithe MetroLink, cliceáil anseo - Deiseanna do Sholáthróirí
Tá MetroLink tiomanta d'ábhar an láithreáin gréasáin a athbhreithniú agus a nuashonrú go rialta chun a chinntiú go mbeidh sé ábhartha agus cruinn tráth a fhoilsithe. Forchoimeádann MetroLink an ceart faisnéis a leasú nó a nuashonrú tráth ar bith.
Nuashonraíodh an leathanach gréasáin seo ar an: 05/02/2026
