Rannpháirtíocht an Mhargaidh, Ár Slabhra Soláthair a Chruthú
Beidh ár soláthraithe riachtanach chun MetroLink a sholáthar go rathúil, agus táimid tiomanta do chaidrimh láidre chomhoibríocha a fhorbairt ón tús. Táimid bródúil as an dul chun cinn atá déanta go dtí seo agus táimid ag iarraidh anois ar phríomh-chomhpháirtithe féideartha an tslabhra soláthair a bheith linn ar an aistear claochlaitheach seo.
Soláthrófar formhór na n-earraí agus na seirbhísí trí sholáthraithe Leibhéal 1. Beidh ról lárnach ag na príomhchonraitheoirí sin maidir leis an gclár a chur i gcrích agus, dá réir sin, rachaidh siad i mbun a slabhraí soláthair féin chun gnéithe éagsúla den obair a chomhlíonadh.
Leis an gcur chuige sin, ginfear raon leathan deiseanna fochonraitheoireachta, rud
a chruthóidh spás do ghnólachtaí de gach méid rannchuidiú leis.
Oibreoimid i gcomhar lenár soláthraithe Leibhéal 1 chun deiseanna sa slabhra soláthair a chur ar fáil go gníomhach do FBManna agus do ghnólachtaí áitiúla. Féach ár leathanach Ag obair le FBManna chun tuilleadh eolais a fháil.
Táimid ag seoladh sraith imeachtaí Rannpháirtíochta Margaidh chun nascadh le soláthraithe domhanda.
Beidh an chéad imeacht ar siúl i mBaile Átha Cliath agus ina dhiaidh sin beidh tuilleadh imeachtaí i Londain, agus ar fud na hEorpa agus níos faide i gcéin.
Tabharfaidh na himeachtaí sin deis d’fhoireann MetroLink faisnéis a roinnt faoin gclár MetroLink, breac-chuntas a thabhairt ar dheiseanna soláthair atá le teacht, agus tús a chur le caidrimh láidre, chomhoibritheacha a fhorbairt leis an margadh.
Eolaire Rannpháirtíochta Margaidh MetroLink
Féach an nasc thíos le rochtain a fháil ar an Eolaire Rannpháirtíochta Margaidh, ina bhfuil liosta de na heagraíochtaí a bhí rannpháirteach leis an gclár MetroLink go dtí seo. Forbraíodh an t-eolaire seo chun cabhrú le soláthróirí líonrú a dhéanamh agus a bheith ag comhoibriú ar dheiseanna slabhra soláthair amach anseo leis an gclár. Trí nascadh le dreamanna eile, is féidir comhpháirtíochtaí a fhiosrú agus do sciar féin a dhéanamh le slabhra soláthair láidir nuálach a fhorbairt do MetroLink. Eolaire Rannpháirtíochta Margaidh MetroLink
Iarratais ar Chruinnithe 1:1 Rannpháirtíochta Margaidh
Toisc go bhfuil na himeachtaí críochnaithe anois, táimid tar éis bogadh ar aghaidh go sraith cruinnithe Rannpháirtíochta Margaidh 1:1 réamhsceidealaithe i mí na Samhna agus i dtús mhí na Nollag, de réir pacáiste (M400 agus M500).
Más mian leat iarratas a dhéanamh ar chruinniú Rannpháirtíochta Margaidh 1:1, seol ríomhphost chuig: supplychainmetrolink@tii.ie agus déan 'Iarratas ar Chruinniú Rannpháirtíochta Margaidh 1:1' a lua i líne an ábhair agus tabhair an t-eolas seo a leanas:
- Ainm iomlán & Teideal
- Seoladh ríomhphoist
- Eagraíocht
- Pacáiste Spéise (M400, M500)
- Tabhair breac-chuntas gairid ar riachtanas/cuspóir gnó d’eagraíochta maidir le freastal ar an gcruinniú seo.
Reáchtálfar an chuid is mó de na cruinnithe Rannpháirtíochta Margaidh 1:1 inár n-oifig BIÉ i mBaile Átha Cliath. Tá cruinnithe rannpháirtíochta margaidh M100 dúnta.
PDP: Tabhair faoi deara nach bhfuilimid ag reáchtáil cruinnithe Rannpháirtíochta Margaidh 1:1 níos mó maidir leis an PDP.
Cláraigh le haghaidh Nuashonruithe
Chun nuacht agus nuashonruithe faoin Rannpháirtíocht Mhargaidh a fháil, iarrtar ort cliceáil anseo chun do chuid sonraí a chlárú.
Déan Teagmháil Linn
Le haghaidh ceisteanna ginearálta faoin Slabhra Soláthair agus Rannpháirtíocht Mhargaidh, déan teagmháil le: supplychainmetrolink@tii.ie
Nuashonraíodh an leathanach gréasáin seo ar an: 11/02/2026
